Þegar votlendi er þurrkað upp með skurðum er það kallað framræsla. Í landbúnaði er framræsla votlendis m.a. aðferð til að auka við frjósömu ræktunarlandi til að nýta t.d. í túnrækt, akuryrkju eða jafnvel skógrækt. Votlendi eru mikilvæg vistkerfi. Þannig eru þau búsvæði margra tegunda af dýrum og plöntum, þau geyma, sía og hreinsa vatn og geta tekið við miklu vatni á stuttum tíma og miðlað því áfram smátt og smátt. Þannig geta votlendi m.a. dregið úr líkum á flóðum. Votlendi og mýrar geyma gríðarlega mikið magn af kolefni. Þegar votlendi eru þurrkuð upp með framræslu þá losnar kolefnið út í andrúmsloftið, myndar koltvíoxíð og eykur þannig gróðurhúsaáhrifin. Þegar skurður er grafinn í votlendi þá kemst súrefni að blautum kolefnisríkum jarðveginum og binst kolefninu sem var áður bundið í jarðveginum og myndar koltvíoxíð. Með framræslu er s.s. raskað mikilvægt vistkerfi. Mikið af votlendi hefur verið ræst fram hérlendis á undanförnum áratugum. Þar sem nýting þess lands hefur dregist saman undanfarið væri kjörið að endurheimta votlendi á þeim svæðum sem eru ekki í nýtingu í dag. Þar með má draga úr losun koltvíoxíðs úr framræstu landi sem er mikilvægt loftslagsaðgerð.

Sjá einnig: Vistheimt, tap á búsvæðum, hringrás kolefnis