Nemendur taka þátt í hlutverkaleik þar sem þeir rökræða um skipulagsákvörðun í sveitarfélaginu Grænabyggð. Nemendur læra að skilja ólík sjónarmið og þjálfa lýðræðislega umræðu.
Markmið:
Að skilja og takast á við ólík sjónarmið
Að þjálfa virka hlustun, rökræðu og samvinnu
Framkvæmd
Aðstæður
Þið eruð íbúar í sveitarfélaginu Grænubyggð. Skóli sveitarfélagsins stendur í Grænadal, fallegum dal með votlendi, birkiskógi, á, hverum og ríkri náttúru. Skólastarfið hefur þróast í nánum tengslum við þetta umhverfi. Í nýju aðalskipulagi er lagt til að flytja skólann úr dalnum inn í byggðina þar sem lítið er um náttúru. Í staðinn á að byggja ferðamannasvæði með hótelum og heilsuböðum í Grænadal. Vegna þess að lýðræði er mikilvægt í Grænubyggð er boðað til fundar þar sem málið er rætt.
- Nemendum skipt í hópa, amk. sex nemendur í hverjum hóp svo að öll hlutverk séu hluti af umræðunni. Hægt að hafa tvo með sem hlutverk ef þess þarf
- Draga í hlutverk, hlutverkin eru:
- Nemandi
- Kennari
- Skólastjóri
- Fulltrúi sveitarstjórnar
- Ferðaþjónustuaðili
- Náttúruverndarsinni
- Setja sig í hlutverk, þið eruð öll hluti af samfélaginu. Nú skuluð þið setja ykkur í þau hlutverk sem ykkur hefur verið úthlutað.
- Veltu fyrir þér hlutverki þínu og ímyndaðu þér hvernig manneskja þú ert og hvað skiptir þig máli.
- Lýstu persónunni í nokkrum orðum.
- Hvaða skoðun hefur þú á málinu? (Það þarf ekki að vera þín eigin skoðun heldur setur þú þig í hlutverk).
- Umræður sem hópur. Ræðið í hlutverkum ákvörðun sveitarfélagsins. Passið að allir fái að segja sína skoðun, beitið virkri hlustun. Rökræðið og komið ykkur saman um niðurstöður
- Fundargerð, setjið saman nokkra punkta þar sem fram kemur sameiginleg niðurstaða frá ykkar hóp.
- Umræður sem bekkur, kynnið niðurstöðu ykkar fyrir bekknum
