Í þessu verkefni læra nemendur hvað gróðurhúsaáhrif eru, muninn á náttúrulegum og auknum gróðurhúsaáhrifum og hvernig losun gróðurhúsalofttegunda hefur áhrif á loftslag Jarðar. Nemendur útskýra hugtökin með mynd eða myndbandi og framkvæma einfalda tilraun til að skoða hvernig gróðurhúsalofttegundir hafa áhrif á hitastig.
Markmið:
Að átta sig á hvað gróðurhúsaáhrif eru, vita af hverju það eru aukin gróðurhúsaáhrif í heiminum, skoða hvaða áhrif þau hafa og hvað getum við gert.
Framkvæmd
Lesið:
Meðalhitastig á Jörðu hefur verið um 15 gráður, sem er þægilegt hitastig fyrir menn og náttúru. Gróðurhúsaáhrif halda jörðinni 30 gráðum heitari en hún væri annars, Gróðurhúsaáhrif eru þess vegna ekki slæm, en aukin gróðurhúsaáhrif eru slæm. Frá iðnbyltingu hefur meðalhiti á yfirborði Jarðar hækkað um 1,2°C, hitinn hefur hækkað mest síðustu áratugi. Hækkun hitastigs helst í hendur við aukna losun gróðurhúsalofttegunda eins og CO2 og metan.
Teiknið eða takið upp:
Skýringarmynd eða myndband þar sem gróðurhúsaáhrifin eru útskýrð á einfaldan hátt. Svarið spurningum skriflega á skýringarmyndina eða svarið þeim munnlega í myndbandinu.
Hvað gerist við bruna jarðefnaeldsneytis?
- Nefndu þrjár gróðurhúsalofttegundir.
- Hvað kallast C02 á íslensku?
- Hvaða lönd losa mest af CO2 og af hverju? Kíkið á þessa síðu.
- Hverjar eru afleiðingar aukinna gróðurhúsaáhrifa?
- Hverjar eru helstu ástæður aukinna gróðurhúsaáhrifa
- Hvað áhrif hefur þetta á Íslandi?
- Hvað getum við gert?
Framkvæmið tilraun: notið tvær glerkrukkur, setjið köfnunarefni eins úr sodasteam eða baksturduft og edik, mælið hitann í báðum krukkum og skoðið muninn.
