Hafðu áhrif

Í verkefninu taka nemendur sig til, hafa áhrif og grípa til aðgerða. Komið þið auga á eitthvað vandamál í ykkar nærumhverfi sem þyrfti að leysa?

Markmið:

Nemendur öðlist færni, getu og þekkingu á því hvernig hægt sé að hafa áhrif

Nemendur skoði lausnir við loftslagsvandanum og tengi þær við fyrirtæki og stjórnvöld

Nemendur veki athygli á loftslagsbreytingum og þeim tækifærum sem eru til þess að sporna gegn þeim

Nemendur þjálfist í að taka eigin ákvarðanir og vinni í heimabyggð

Framkvæmd

Tilvalið er að vinna verkefnin: Kryfjum vandamálið til mergjar, Bakrý n i eða Draumaframtíðin mín áður en þetta verkefni er unnið, þó það sé ekki skylda.

Þetta verkefnið hópaverkefni og er hæfilega stærð hópa 3-4 nemendur.

Í þessu verkefni eigið þið að hafa áhrif í alvöru og grípa til aðgerða. Komið þið auga á eitthvað vandamál í ykkar nærumhverfi sem þyrfti að leysa? Hvernig gæti það stutt við náttúruna og umhverfið á Jörðinni?

Verkefnið er að hafa raunveruleg áhrif! Þið getið t.d. breytt háttum ykkar, breytt einhverju heima hjá ykkur, í skólanum eða annars staðar eða reynt að hafa áhrif á fyrirtæki, stofnanir, stjórnmálafólk og annað fólk sem ræður.

1. Viðfangsefni og leiðarspurning:

Hvað getum við gert til að hjálpa loftslaginu?
Hvernig getum við beitt áhrifum okkar til að hægja á loftslagsbreytingum?
Hverju getum við breytt hjá okkur sjálfum?
Hvernig getum við haft áhrif á fyrirtæki eða þau sem raða?
Getur þú valið einn afmarkaðan hlut sem þú vilt breyta eða hafa áhrif á? Hvað finnst þér mikilvægt?

2. Tilgáta og hugmyndir

Hvernig ætlið þið að hafa áhrif?
Hverjum er verkefnið beint að?
Hvernig ætlið þið að miðla upplýsingum? Hver eru skilaboðin ykkar? Hverju viljið þið koma á framfæri?
Aflið ykkur upplýsinga um efnið, t.d. með því að leita á vefnum, lesa bækur, safna gögnum, fara í vettvangsferð, spyrja fólk sem þekkir vel til o.s.frv.

Berið hugmyndir ykkar undir kennarann.

Gott að hafa í huga:

Hverjum er verkefnið beint að?
Á að ná til samnemenda? allra í skólanum, fjölskyldunni, vina, allra í hverfinu, þorpinu eða landinu? Ætlið þið að reyna að hafa áhrif á verslanir? Framleiðendur? Ráðamenn?
Miðlun upplýsinga/ skapandi skil
Hvernig ætlið þið að segja frá og ná til fólks? Hvar? Hver á að fá skilaboðin?

3. Efni og áhöld

Hvað þurfið þið að nota í verkefninu? Getið þið fundið eitthvað heima? eða í endurvinnslugámnum? Mikilvægt er að kaupa „ekki alltaf eitthvað nýtt” og skapa ekki meiri mengun með verkefninu.
Skiptið verkum. Hver í hópnum á að gera hvað?

4. Framkvæmd/ gagnasöfnun

Nemendur ákveða með hvaða hætti þeir útfæra afurð verkefnisins, þeir geta gert ljósmynd, slagorð, ljóð, myndband, leikverk, tónlist, gjörning, auglýsingu, skrifað bréf eða grein í blað eða hvað sem þeim dettur í hug.

Sama hvað þið gerið, þá er lykilatriði að deila því með öðrum, t.d. á samfélagsmiðlum skólans, hengja upp veggspjöld í kjörbúðinni, hafa samband við KrakkaRúv, RúvNúll, tala við fjölskyldu og ættingja o.s.frv. Að auki er verkefnið kynnt á lokakynningu fyrir bekkinn.

Hvernig ætlið þið að hafa áhrif?
Hverjum er verkefnið beint að?
Hvernig ætlið þið að miðla upplýsingum?

5. Kynning

Verkefnin eru kynnt í munnlegri kynningu fyrir bekkinn/ samnemendur/ foreldra.
Hvernig hyggist þið kynna verkefnið á lokakynningu? Athugið að mikilvægt er að vanda kynninguna og grípa athygli áhorfenda. Hæfilegur tími kynningar er 5 mínútur. Góð ráð um munnlegar kynningar.

6. Ályktanir og niðurstöður