Nemendur greina muninn á hnattrænni hlýnun og loftslagsbreytingum. Kynna sér orsakir og afleiðingar og miðla þekkingu sinni á fræðilegan og skapandi hátt.
Markmið:
Greina muninn á hnattrænni hlýnun og loftslagsbreytingum.
Þekkja helstu gróðurhúsalofttegundir.
Framkvæmd:
Lesið: Hugtakið hnattræn hlýnun merkir að meðalhiti á jörðinni er að hækka vegna aukinna gróðurhúsaáhrifa. Hugtakið loftslagsbreytingar nær yfir allar breytingar á loftslagi, hitabreytingar, úrkomu, uppgufun, bráðnun jökla, hækkandi sjávarstöðu auk allra öfga í veðuri eins og flóð, þurrka, storma og fellibylja.
Horfið: á þetta myndband til upplýsingar
Verkefnavinna: Veljið eitt umfjöllunarefni og miðlið því með myndbandi, veggspjaldi eða glærusýningu
- Útskýrið hugtökin hnattræn hlýnun og loftslagsbreytingar og hver er munurinn? Hvað er talið orsaka hnattræna hlýnun?
- Kynntu þér Parísarsamkomulagið, hverjir tóku þátt í því, um hvað fjallar það og hvert er markmið samkomulagsins?
- Hversu mikið hefur meðalhiti á Jörðinni hækkað? Veldu fimm lönd og segðu hversu mikið hitastigið hefur hækkað og hversu mikil hækkun gæti orðið 2100. Á hvaða svæðum hefur hækkunin verið mest? Sjá upplýsingar hér. Hvaða áhrif hafa loftslagsbreytingar á löndin?
- Gerið listaverk þar sem hnattræn hlýnun er táknuð með litum, formum, myndlíkingu. Hafið texta með þar sem hugtökin loftslagsbreytingar og hnattræn hlýnun eru útskýrð.
- Skrifaðu sögu sem gerist framtíðinni, hvaða áhrif hafa loftslagsbreytingar á samfélagið? Er búið að finna lausn, höfum við breytt lífsháttum okkar?
