Nemendur kynnast hugtakinu sjálfbærni, þremur stoðum hennar og skipuleggja sjálfbært samfélag þar sem samfélag, efnahagur og náttúra eru í jafnvægi innan þolmarka Jarðar.
Markmið:
Að skilja hugtakið sjálfbærni
Að þekkja þrjár stoðir sjálfbærni
Þekkja þrjár stoðir sjálfbærni
Skipuleggja sjálfbært samfélag
Framkvæmd
Sjálfbærni fjallar um að nýta auðlindir Jarðar, þannig að við uppfyllum þarfir okkar í dag án þess að taka frá komandi kynslóðum. Sjálfbærni snýst um að samfélag og efnahagur þrýfist innan þeirra marka sem náttúran setur.
- Skrifið á miða það sem þið haldið að sjálfbærni þýðir, setið hugmyndirnar á töfluna og ræðið.
- Svarið þessum spurningum:
- Útskýrið með ykkar orðum hvað hugtakið sjálfbærni merkir
- Teiknið upp þrjár stoðir sjálfbærrar þróunar og segið hvað hver og ein þýðir
- Hvað er þolmarkadagur Jarðar?
- Hvenær var þolmarkadagur Jarðar árið 1971, 2020, 2025?
- Hvenær er þolmarkadagur jaðrar í Japan, Ghana, Luxemburg, af hverju stafar þessi munur á milli landa?
- Veldu þrjú samfélagsleg fyrirbæri t.d. ferðalög, fatakaup, fótbolta og útskýrðu hvernig það hefur áhrif á efnahag, samfélag og náttúru. Nefnið kosti og galla.
- Farið í göngutúr og skoðið nágrenni skólans. Skoðið hvernig hverfið er skipulagt. Er mikil bílaumferð, er þjónusta í nágrenninu? Hvernig er landslagið? Er einhver náttúra sjáanleg? Er hverfið notalegt? Er þægilegt að ganga um hverfið? Hvernig líður þér í þessu umhverfi? Væri hægt að skipuleggja það á betri máta?
- Ímyndið ykkur eyju þar sem engin manneskja býr. Þið fáið það verkefni að skipuleggja eyjuna fyrir íbúabyggð, markmiðið er að hafa hana eins sjálfbæra og hægt er. Hafið í huga þrjár stoðir sjálfbæni, að efnahagur og samfélagslegar þarfir rýmist innan þolmarka Jarðarinnar.
- Teiknið eyjuna eða gerið módel
- Setjið inn landslag, fjöll, tún, læki, brekkur.
- Það sem þarf að skipuleggja á eyjunni er t.d. götur, hús, skóla, læknisþjónustu, sundlaug, matvöruverslun, orkugjafa, sorpmál, samgöngur, landbúnað, matvörur, ræktun, dýrahald, stjórnarfar, skólamál og löggæslu.
- Það sem þið ákveðið þarf að vera rökstutt t.d hvaðan kemur orkan sem verður á eyjunni? Hér er t.d ekki nóg að segja: Það verða vindmyllur á eyjunni. Útskýrið af hverju þið veljið vindmyllur, hverjir eru kostir og gallar við vindmyllur.
- Útbúið eyjuna t.d. teikna eða gera módel. Skrifið greinargerð, 600-1000 orð, þar sem eyjan er kynnt og þið útskýrið þá þætti sem taldir voru upp í verkefnalýsingunni.
