Vitnisburður um loftslagsmál er hlutverkaleikur þar sem nemendur setja sig í spor mismunandi ungmenna í allskonar löndum og velta fyrir sér þeirra upplifun og hugleiðingum varðandi loftslagsbreytingar.
Hlutverkaleikur – Stígðu fram
Stígðu fram er hlutverkaleikur um mannréttindi, loftslagsréttlæti og umhverfismál. Nemendur kanna mun á stöðu fólks eftir búsetu, kyni, stétt eða áhrifum loftslagsbreytinga. Markmið: Að setja sig í spor annara og átta sig á mismunandi tækifærum og hindrunum hjá fólki í heiminum Framkvæmd Hlutverkaspjöldin eru afhent af handahófi, eitt á hvern nemanda. Nemendur fá tíma til að setja sig inn í sitt hlutverk og hugleiða hvernig æskan var og hvernig daglega lífið er núna, hvernig lífsvenjur þeirrar hlutverk hefur og hvað þeim finnst spennandi og hvað þau hræðist. Nemendur mega ekki segja öðrum frá hlutverki sínu strax. Þegar nemendur hafa kynnt sér hlutverk sín raða þeir sér upp hlið við hlið í beina röð. Lesnar eru upp nokkrir fullyrðingar. Í hvert sinn sem nemendur geta svarað setningu með „já“ mega þeir taka skref áfram. Annars verða þeir að vera þar sem þeir eru og mega ekki færa sig. Í lokin er athugað hver lokastaða hvers hlutverks er, hver nemandi kynnir sitt hlutverk og síðan fara fram umræður um upplifun nemenda og skilaboð þessa leiks. Hlutverk og spurningar Ítarefni Hvað er loftslagsréttlæti? Landvernd Hvernig bitna loftslagsbreytingar á konum? UN Women Íslandi. Worldmapper
Umhverfishönnun
Nemendur skoða nærumhverfið sitt með gagnrýnum augum. Meta hvað þeir vilja að sé til staðar í nánasta umhverfi sínu út frá ólíkum þörfum einstaklinga. Nemendur tjá hugmyndir sínar um lausnir taka afstöðu til málefna sem varða heimabyggð með því að vega og meta ólíka kosti.
Fræsöfnun og sáning birkifræja
Nemendur taka virkan þátt í vistheimt með því að kortleggja birkitré, safna og sá fræjum, fylgjast með vexti og öðlast skilning á mikilvægi birkiskóga fyrir jarðveg, líffræðilegan fjölbreytileika og loftslagsaðgerðir.
Plastkapphlaup
Nemendur fara í plastkapphlaup í 15 mínútur. Þeir greina hvaðan ruslið kemur og hafa samband við fyrirtæki sem framleiddu eða seldu hlutinn. Þó að við getum gert margt sjálf til að draga úr plastmengun þá verður plastvandinn seint leystur af einstaklingum. Stjórnvöld og fyrirtæki bera mikla ábyrgð og þau þurfa að hjálpa til. Markmið: Að nemendur læri um ábyrgð fyrirtækja og stjórnvalda þegar kemur að því að leysa plastvandann. Framkvæmd Hvernig ávörpum við stjórnvöld og fyrirtæki? ÚtfærslurSkrifa bréf til fyrirtækjaNemendur skrifa bréf til þess fyrirtækis sem framleiðir/selur mest af því plasti sem þeir fundu. Nemendur geta bent fyrirtækinu á hvað það getur gert til þess að minnka plast og hjálpa hafinu. Það er hægt að láta nokkrar umbúðir fylgja með sem sönnun. Það má senda tölvupóst með myndum í viðhengi eða hafa samband við fyrirtækið á samfélagsmiðlum. Leiðbeina sveitastjórnum/ráðamönnumNemendur skrifa bréf til sveitarstjórnar/stjórnvalda og segja frá niðurstöðum sínum og benda á mikilvægi þess að vernda hafið. Nemendur geta bent á nokkrar lausnir sem þeim dettur í hug að geti gagnast þeim sem ráða. Nemendur í Grunnskóla Snæfellsbæjar skoruðu á bæjarstjórn að bæta við flokkunartunnum á útivistarsvæði í hjarta Ólafsvíkur. Fara í heimsókn og bjóða upp á umhverfismatSkipuleggja heimsókn þar sem nemendur framkvæma umhverfismat með fulltrúum fyrirtækja eða sveitarstjórna. Hægt er að nýta við gátlista Grænfánans um neyslu og hringrásarhagkerfi.
Öðruvísi jólaóskir
Í þessu verkefni hugleiða þátttakendur hvað væru stærstu óskir þeirra fyrir Jörðina, lífríkið og mannkynið og skoða hvað þyrfti að gera til þess að þessir óskir gætu orðið að veruleika.
Bakrýni
Hugsanaæfing þar sem nemendur ferðast til ársins 2050, ímynda sér lausnir á loftslagsvánni, hugsa aftur á bak með bakrýni, efla von, sköpun og tengsl við náttúruna og hugleiða ábyrgð mannsins. Markmið: Að hugleiða skapandi leiðir sem gætu hjálpað loftslaginu Að hugleiða um samtakamátt mannanna Að sjá fyrir sér framtíð þar sem loftslagskvíði er fortíðarvandi. Framkvæmd Árið er 2050 og við sitjum við eldhúsborðið og við látum hugann reika um liðna tíð. Nú ríkir friður í heiminum og það er liðin tíð að mannfólkið nýti auðlindir jarðar á yfirdrætti. Nú höfum við náð tökum á loftslagsbreytingum og það var nú ýmislegt sem þurfti að gerast svo það tækist. Það gerðist sérstaklega mikið þarna á milli 2021 og 2030. Hvernig fórum við að? AðferðSjá hugsanaæfingu Gunnhildar Fríðu í loftslagsverkfallinu. Nemendur geta skrifað niður nokkrar hugleiðingar á blað og gert hugarkort í sameiningu Um aðferðina: Bakrýni (Backcasting) er aðferð til að hanna framtíðina. Byrjað er að lýsa hvernig hin “fullkomna” framtíð – eða æskilega staða sé og svo er unnið aftur á bak og kennsl borin á þau verkefni, aðgerðir og aðferðir sem gerðu það að verkum að framtíðin varð að veruleika. Leiðarspurningar bakrýni eru; „Ef við viljum ná ákveðnu markmiði, hvaða aðgerða þarf að grípa til að komast þangað?“ og „Hvað þarf að gera til þess að þessi framtíð verið að veruleika og tengist nútíðinni?“.
Taktu afstöðu
Verkefnið krefst þess að nemendur taki afstöðu og ræði persónulega ábyrgð í sjálfbærnimálum. Nemendur þjálfast í að færa rök fyrir máli sínu út frá ákvörðunum.
Loftslagsljósmyndir
Nemendur skoða loftslagsljósmyndir af vefsíðunni Climatevisuals, svara spurningum um þær og tengja þær við eigin ljósmynd úr nærumhverfi.
Heimsmarkmiðin
Verkefni þar sem nemendur kynnast Heimsmarkmiðunum, eflir gagnrýna hugsun og ritun og þjálfar hæfni í að greina samfélagslegar áskoranir og miðla lausnum.
