Á uppskeruhátíð Umhverfisfréttafólks voru veitt verðlaun í keppninni en á hverju ári berast fjölmörg vönduð og fjölbreytt verkefni frá skólum víðsvegar á landinu. Í ár voru það m.a. spil, myndbönd, hlaðvarp, ljóð, gjörningur, listaverk, handrit að leikriti, ljósmyndir og rapplag. Eins og fyrrum sigurvegari frá Vogaskóla sagði í ræðu sinni á uppskeruhátíðinni þá er nemendum treyst til þess að vinna með flókin málefni á opinn og skapandi hátt. Í ár var keppnin hörð og gæði verkefna mikil.
Í framhaldsskólum sigruðu nemendur Tækniskólans þau, Baltasar Diljan Rúnarsson, Kristófer Birgisson, Lóa Margrét Hauksdóttir, Óliver Ben Viðarsson og Sigrún Ólafsdóttir með gjörninginn Sannleiksmolar – Ljúfsárt lostæti.
Umsögn dómnefndar: Vel útfærð og áhrifarík neytendaskömmun. Sjaldan hefur súkkulaðilöngun dómnefndarmeðlima verið kveðin jafn hratt í kútinn. Að baki verkefninu liggur mikil heimildarvinna og tekur það bæði til sögulegra, umhverfislegra, félagslegra og pólitískra þátta. Niðurstaðan sjálf, þ.e. konfektkassinn, er skýr, grípandi og vel framsett lausn. Handverk í stað fjöldaframleiðslu er viðeigandi útfærsla.
Í grunnskólum sigruðu nemendur í Garðaskóla þau Hildur Nanna Halldórsdóttir, Auður Krista Finnsd. Thorlacius, Sebastian Ólafsson og Máni Þór með bókina Ferðalag Höllu hettupeysu
Umsögn dómnefndar: Saga Höllu hettupeysu er frábærlega vel unnið og vel útfært fræðsluefni. Hugmyndin að söguþræðinum er sniðug og setur okkar eigin persónulegu neyslu í stærra samhengi á sterkan hátt. Spurningarnar á hverri opnu bera vitni um vel framsett og vandað verk. Hin nýja Bláa kanna!
![1. sæti framhaldsskólar](https://graenfaninn.is/wp-content/uploads/2024/05/611-768x432.jpg)
![1. sæti grunnskólar](https://graenfaninn.is/wp-content/uploads/2024/05/621-768x432.jpg)
![Rán Flygenring hvetur nemendur áframfyrir hönd dómnefndar](https://graenfaninn.is/wp-content/uploads/2024/05/631-768x432.jpg)
![Sigurvegarar 2023 frá Vogaskóla með ræðu](https://graenfaninn.is/wp-content/uploads/2024/05/Myndir-f.-nyja-heimasidu-40-768x432.jpg)
Dómnefndina í ár skipuðu
Ingunn Lára Kristjánsdóttir verkefnastjóri fréttaþjónustu á samfélagsmiðlum, stundum þekkt sem TikTok fréttamaðurinn, leikstjóri og handritshöfundur
Rán Flygenring mynd- og rithöfundur
Sigyn Blöndal fjölmiðlafræðingur, framleiðandi og sérfræðingur í réttindum barna hjá UNICEF
Ungir umhverfissinnar veittu sérstök verðlaun fyrir flokkinn Val unga fólksins.
Í framhaldsskólum var það spilið Hafið og við – Mitt græna vistspor Elísabet Nótt Guðmundsdóttir, Þórunn Birna Kristinsdóttir, Flora Neumann frá Menntaskólanum á Akureyri.
Í grunnskólum var það fræðslumyndbandið Plast í umhverfinu og hvað við erum að gera í því? Eftir Einar Einarsson úr Sjálandsskóla sem hlutu verðalaunin Val unga fólksins
Hvatningarverðlaun fengu þau Nadia Hólm Jónsdóttir, Róbert Bragi Kárason og Hugrún Birta Bergmannsdóttir nemendur frá Menntaskólanum á Akureyri fyrir hlaðvarpið Náttúra með smjöri, hvatning til þeirra til þess að halda áfram að fjalla um umhverfismál á aðgengilegan og auðskiljanlegan hátt út frá heimsmarkmiðunum.
![Einar Einarsson ásamt fyrrum keppendum úr Vogaskóla](https://graenfaninn.is/wp-content/uploads/2024/05/651-768x432.jpg)
![Spilið Hafið og við - Mitt græna vistspor](https://graenfaninn.is/wp-content/uploads/2024/05/661-768x432.jpg)
Auk verðlaunaafhendingar mættu sigurvegarar síðasta árs sem sögðu frá reynslu sinni, Lalli töframaður skemmti gestum og listamaðurinn Ezzi setti lokapunktinn á hátíðinni með flutningi á rapplaginu Við erum að drepa apana sem var jafnframt framlag hans í keppnina í ár.
![2.sæti grunnskólar - Egill Dofri Agnarsson, Viktor Ágúst Kristinsson og Gunnar Mogensen frá Sjálandskóla](https://graenfaninn.is/wp-content/uploads/2024/05/711-768x432.jpg)
![3.sæti grunnskólar - Drífa Rán Solimene, Nicole Rós Blance Rosento, Shaina Rós Blance Rosento og Steinunn Jónsdóttir frá Laugalækjaskóla](https://graenfaninn.is/wp-content/uploads/2024/05/671-768x432.jpg)
![2.sæti framhaldskólar - Sigurður Guðbjartur Guðmundsson frá FSU](https://graenfaninn.is/wp-content/uploads/2024/05/701-768x432.jpg)
![Lalli töframaður](https://graenfaninn.is/wp-content/uploads/2024/05/681-768x432.jpg)
![Tækniskólinn mættur í viðtal](https://graenfaninn.is/wp-content/uploads/2024/05/691-768x432.jpg)
![verðlaunaafhending](https://graenfaninn.is/wp-content/uploads/2024/05/721-768x432.jpg)
![Ezzi flytur lagið sitt](https://graenfaninn.is/wp-content/uploads/2024/05/731-768x432.jpg)
![svipmyndir úr salnum](https://graenfaninn.is/wp-content/uploads/2024/05/741-768x432.jpg)
![svipmyndir úr salnum](https://graenfaninn.is/wp-content/uploads/2024/05/751-768x432.jpg)
Við óskum vinningshöfum innilega til hamingju með vel unnin störf og einnig öllum þeim sem sendu verkefni í keppnina. Hér má sjá öll þau verkefni sem unnu til verðlauna í ár ásamt umsögnum dómara.
Við hlökkum til að taka á móti nýjum verkefnum að ári og hvetjum þá sem hafa áhuga á að kynna sér verkefnið betur að gera það hér fyrir neðan eða hafa samband með því að senda póst á umhverfisfrettafolk@landvernd.is