Verkefni sem fræðir nemendur um eldvirkni og hvernig jarðvarmi hitar vatn sem við svo notum til upphitunar og böðunar.
Tími: 2-4 kennslustundir
Aldur: leikskólastig og yngsta stig
Markmið:
Að fræða nemendur um eldvirkni og hvernig jarðvarmi hitar vatn sem við svo notum til upphitunar og böðunar
Efni og áhöld:
Fyrir fræðslu: Eldvirkni og jarðvarmi
Fyrir tilraun: Sandur og skóflur, edik, matarsódi, matarlitur, nokkrir dropar sápa og heitt vatn.
Framkvæmd:
Framkvæmd
- Inngangur og fræðsla
Kennari útskýrir á einfaldan hátt hvað eldvirkni er og hvernig jarðvarmi hitar vatn sem við notum til upphitunar og böðunar. Skoðað er hvernig heitt vatn er leitt inn í hús og í hvað heita vatnið er notað. - Umhverfisskoðun
Farið er í stutta gönguferð í nágrenninu, þar sem rætt er um landslag, hraunbreytingar og eldfjöll í nágrenni skólans ef við á. - Tilraun: Eldgos í sandkassa
Nemendur, með aðstoð kennara, móta eldfjall úr sandi. Í gíginn er sett blanda af ediki, matarsóda, rauðum lit og sápu til að líkja eftir gosi.
Þetta tengir saman náttúrufræði, leik og sköpun. - Umræður og tengingar
Rætt er um hvernig náttúran (eldgos) getur breytt landslagi, hvernig jarðvarmi er nýttur og hvers vegna hann er mikilvægur fyrir okkar daglega líf
